Në datën 07.02.2025, Agjencia e Inteligjencës Financiare (AIF), zhvilloi një aktivitet trajnimi mbi çështjet e parandalimit të pastrimit të parave dhe financimit të terrorizmit (PP/FT), në të cilin merrnin pjesë përfaqësues të strukturave të përputhshmërisë nga Institucionet Financiare Jo-Bankë, Noter, Shoqëri Ndërtimi dhe Kazino, subjekte të ligjit nr.9917/2008 “Për parandalimin e pastrimit të parave dhe financimit të terrorizmit” (PP/FT)  i ndryshuar.

 

Gjatë këtij trajnimi, nga ana e AIF janë trajtuar çështjet që kanë të bëjnë me zbatimin e legjislacionit PP/FT, Vlerësimin Kombëtar të Riskut PP/FT, zbatimin e sanksioneve ndërkombëtare në fushën e financimit të terrorizmit,  vlerësimi individual i riskut PP/FT nga subjektet e ligjit, tipologji dhe tregues të PP/FT dhe aspektet për përmirësimin e procesit të raportimit në AIF.

 

AIF do të vijojë qasjen aktive në angazhimin me ketegoritë e ndryshme të subjekteve të ligjit, në funksion të rritjes së kapaciteteve të tyre parandaluese si dhe forcimin e mëtejshëm të integritetit të sistemit ekonomiko-financiar në Republikën e Shqipërisë.