Në datën 12.07.2024, Agjencia e Inteligjencës Financiare (AIF) zhvilloi në bashkëpunim me Shoqatën Shiqptare të Ndërmjetësve të Pasurive të Paluajtshme  (NAREA)  një aktivitet trajnimi mbi çështjet e parandalimit të pastrimit të parave dhe financimit të terrorizmit (PP/FT), në të cilin merrnin pjesë përfaqësues të strukturave të përputhshmërisë së subjekteve të ligjit nr.9917/2008 “Për parandalimin e pastrimit të parave dhe financimit të terrorizmit” (PP/FT)  i ndryshuar.

 

Gjatë këtij trajnimi nga ana e AIF janë trajtuar çështjet që kanë të bëjnë me zbatimin e legjislacioni PP/FT, Vlerësimin Kombëtar të Riskut PP/FT, zbatimin e sanksioneve ndërkombëtare në fushën e financimit të terrorizmit, tipologji të PP/FT mbi transaksionet komplekse, vlerësimi individual i riskut PP/FT nga subjektet e ligjit dhe aspektet për përmirësimin e procesit të raportimit në AIF.

 

AIF do të vijojë qasjen aktive në angazhimin me NAREA, në funksion të rritjes së kapaciteteve parandaluese të subjekteve raportuese si dhe forcimin e mëtejshëm të integritetit të sistemit ekonomiko-financiar në Republikën e Shqipërisë.