Agjencia e Inteligjencës Financiare

Takimi vijues mbi ushtrimet simuluese për IO1 dhe IO9

Takimi vijues mbi ushtrimet simuluese për IO1 dhe IO9

Vijuan takimet mbi ushtrimin simulues organizuar nga Agjencia e Inteligjencës Financiare (AIF) me fokus në Rezultatin Imediat 1 (IO1)  dhe Rezultatin Imediat 9 (IO9) në datat 28-29 Prill 2025, me mbështetjen e projektit EU4LEA2, i bashkë financuar nga Bashkimi Evropian dhe Qeveria Gjermane.

Ky aktivitet kishte si qëllim rritjen e kapaciteteve të institucioneve përgjegjëse shqiptare në lidhje njohjen, zbutjen e rreziqeve për PP/FT dhe zbatimin e  mekanizmave për identifikimin, investigimin e veprave penale të lidhura me financimin e terrorizmit.

Gjatë dy ditëve të trajnimit u demonstruan masat e mara dhe praktika pozitive të:

  • Analizave institucionale me qëllim identifikimin e rreziqeve në fushën e PP/FT;
  • Të ndërveprimit institucional mbi identifikimin dhe zbutjen e rreziqeve;
  • Të identifikimit, investigimit  të rasteve e veprave penale të lidhura me financimin e terrorizmit.

AIF si autoritet përgjegjës për koordinimin e procesit të vlerësimit të raundit të 6të të Shqipërisë nga Komiteti Moneyval, do të vijojë takimet me institucionet publike dhe sektorin privat për të rritur ndërgjegjësimin dhe efektivitetin në marrjen e masave parandaluese në luftën kundër pastrimit të parave dhe financimit të terrorizmit.