Agjencia e Inteligjencës Financiare (AIF) pati kënaqësinë të mirëpriste Edward Orr, së bashku me përfaqësues të institucioneve të tjera përkatëse, në ambientet tona, në kuadër të një takimi me rastin e përfundimit të detyrës së tij pranë Ambasadës Britanike në Shqipëri.

Gjatë bashkëpunimit tonë, AIF ka vlerësuar shumë marrëdhënien e ngushtë dhe konstruktive që kemi ndërtuar me Ed, si dhe profesionalizmin, përkushtimin, frymën pozitive të bashkëpunimit dhe kontributin e tij të çmuar në përpjekjet tona të përbashkëta.

Bashkëpunimi ynë është karakterizuar nga besimi i ndërsjellë, komunikimi i hapur dhe një angazhim i përbashkët për forcimin e bashkëpunimit në parandalimin dhe luftën kundër pastrimit të parave dhe financimit të terrorizmit.

Në emër të Agjencisë së Inteligjencës Financiare, dëshirojmë të shprehim mirënjohjen tonë të sinqertë ndaj Ed për bashkëpunimin e shkëlqyer dhe mbështetjen e tij të çmuar gjatë gjithë periudhës së detyrës së tij në Shqipëri.

I urojmë atij çdo sukses në angazhimet e tij të ardhshme dhe presim me kënaqësi vijimin e marrëdhënies dhe bashkëpunimit të fortë që kemi ndërtuar ndër vite.

Faleminderit, Ed, dhe urimet tona më të mira për angazhimet e tua të ardhshme!